گلدستے کی جگہ سوکھے پتوں کا گچھہ 1200 روپے میں

تازے پھولوں کا گُلدستہ اپنے گھر میں سجانا کسے اچھا نہیں لگتا ہوگا لیکن کیا آپ اپنے گھر میں خزاں کے سوکھے پتوں کا گچھہ سجانا پسند کریں گے؟

غیر ملکی خبر رساں ادارے کے مطابق برطانیہ کی ایک سپر مارکیٹ میں خزاں کے سوکھے پتوں کا گچھہ 6 پونڈ یعنی 7.5 امریکی ڈالر (پاکستانی تقریباً 1200 روپے) میں فروخت کیا جا رہا ہے۔

سوشل میڈیا پر اس سوکھے پتوں کے گچھے کی تصاویر وائرل ہورہی ہیں جس میں دیکھا جا سکتا ہے کہ ایک پلاسٹک میں جس طرح پھولوں کو سجایا جاتا ہے بلکل اسی طرح اس میں سوکھے پتوں کو سجایا گیا ہے اور اس کی قیمت 7.5 ڈالرز ہے۔

ان تصاویر کو دیکھنے کے بعد سوشل میڈیا صارفین کا کہنا ہے کہ وہ سوکھے پتوں کو خریدنے کے لیے اتنے پیسے کیوں خرچ کریں جب کہ انہیں ایسے پتے اپنی گلی میں ہی پڑے ہوئے مل جائیں گے۔

گھاس کے دھبوں والی جینز کی قیمت جان کر آپ حیران رہ جائیں گے

سوشل میڈیا پر ایک معروف اطالوی برانڈ کی جینز کی قیمت کے چرچے ہو رہے ہیں جو کہ دکھنے میں ایسی لگ رہی ہے کہ اس پر گھاس سے داغ لگا ہو

خیال رہے کہ اس سے قبل سوشل میڈیا پر ایک معروف اطالوی برانڈ گوچی کی جینز کی قیمت کے چرچے ہو رہے تھے جو کہ دکھنے میں ایسی لگ رہی تھی کہ اس پر گھاس سے داغ لگا ہو۔

یہ جینز گوچی کی فال (خزاں) کلیکشن 2020 میں پیش کی گئی ہے جس کے 2 ڈیزائن تھے اور ان میں سے ایک کی قیمت 765 ڈالر (پاکستانی تقریباً ایک لاکھ 27 ہزار) جب کہ دوسرے ڈیزائن کی جینز کی قیمت 1400 ڈالر (پاکستانی تقریباً 2 لاکھ 34 ہزار) تھی۔