Can't connect right now! retry

دنیا
09 اکتوبر ، 2020

جنوبی کوریا کی 33 منزلہ عمارت میں خطرناک آتشزدگی، 90 افراد زخمی

جنوبی کوریا میں ایک 33 منزلہ عمارت میں لگنے والی خطرناک آگ کے نتیجے میں 90 کے قریب افراد زخمی ہو گئے۔

غیر ملکی میڈیا کے مطابق جنوبی کوریا کے شہر السن میں واقع رہائشی اور کمرشل عمارت کے متعدد فلورز پر آتشزدگی کا واقعہ جمعرات کی رات پیش آیا۔

مقامی نیوز ایجنسی کے مطابق تیز ہوا کے باعث آگ نے دیکھتے ہی دیکھتے پوری عمارت کو اپنی لپیٹ میں لے لیا اور آگ کے شعلے کئی میل دور سے واضح نظر آنے لگے۔

رپورٹس کے مطابق ریسکیو ورکرز نے سیکڑوں افراد کو بحفاظت عمارت سے نکالا، 90 افراد کو مختلف اسپتالوں میں منتقل کیا گیا ہے تاہم کسی کی ہلاکت کی کوئی اطلاع نہیں ہے۔

عینی شاہدین کا کہنا ہے کہ عمارت کی بیرونی دیوار پر  لگی انسولیشن ممکنہ طور پر آگ کو تیزی سے بھڑکانے کا سبب بنی تاہم حکام کا کہنا ہے کہ واقعے کی جامع تحقیقات کا آغاز کر دیا گیا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM