دوسری جنگ عظیم کا سب سے بڑا بم سمندر کے اندر پھٹ گیا

وارسا: دوسری جنگ عظیم کا سب سے بڑا بم شمال مغربی پولینڈ میں سمندر کے اندر پھٹ گیا۔

غیر ملکی خبر رساں ادارے کے مطابق پولینڈ کے علاقے پائسٹ کینال سے برطانیہ کی رائل ائیر فورس (آر اے ایف) کے زیر استعمال 2400 کلوگرام دھماکا خیز مواد سے بھرے 5400 کلو گرام وزنی ’ٹال نوائے‘ بم ملنے کے بعد علاقے سے تقریباً 750 سے زائد کا انخلا کیا گیا تھا۔

ترجمان کوسٹل ڈیفنس فلاٹیلا کے مطابق ٹال بوائے بم نیوی غوطہ خوروں کی جانب سے ناکارہ بنانے کی کوشش کے دوران پھٹ گیا تاہم واقعےمیں کوئی جانی نقصان نہیں ہوا۔

خیال رہے کہ ٹال بوائے بم کو 1945 میں جرمن کروزر لٹزو پر حملے میں برطانیہ کی رائل ائیر فورس (آر اے ایف) کی جانب سے گرایا گیا تھا۔

جنگ عظیم دوئم کے دوران ڈوبنے والے جرمن جہاز کی باقیات ناروے سے دریافت

دوسری جنگ عظیم کے دوران برطانوی آبدوز کا نشانہ بننے کے بعد جرمن فوجیوں نے اپنا جہاز خود ڈبو دیا تھا۔

دوسری جنگِ عظیم کے 250 کلو وزنی 2 بم برآمد

جرمنی کے شہر ڈورٹمنڈ سے 14 ہزار افراد کا انخلاء کر کے بموں کو ڈھونڈا گیا