او جی ڈی سی ایل کے قافلے پر حملہ، 7 ایف سی اہلکار اور 7 سیکیورٹی گارڈز شہید

آئل اینڈ گیس ڈویلمپنٹ کمپنی لمیٹڈ (او جی ڈی سی ایل) کے قافلے پر دہشتگردوں کے حملے میں 7 ایف سی اہلکار اور 7 سیکیورٹی گارڈز شہید ہوگئے۔

آئی ایس پی آر کے مطابق او جی ڈی سی ایل کا قافلہ سیکیورٹی فورسز کی حفاظت میں گوادر سے کراچی جا رہا تھا۔

کوسٹل ہائی وے پر اورماڑہ کے قریب سیکیورٹی فورسز اور دہشت گردوں کے درمیان جھڑپ میں فرنٹیئر کور (ایف سی) بلوچستان کے 7 اہلکار اور 7 سیکیورٹی گارڈز شہید ہوگئے۔

انٹر سروسز پبلک ریلیشنز (آئی ایس پی آر) کے مطابق قافلے پر دہشت گردوں کے حملے کا سیکیورٹی فورسز نے بروقت اور بھرپور جواب دیا۔

شمالی وزیرستان میں فوجی قافلے پر دہشت گردوں کا حملہ، 6 اہلکار شہید

دہشت گردوں نے دیسی ساختہ بم (آئی ای ڈی) سےحملہ کیا جس کے نتیجے میں ایک افسر اور 5 جوان شہید ہوگئے، آئی ایس پی آر

آئی ایس پی آر کے مطابق جھڑپ کےدوران ایف سی بلوچستان کے 7 اور  7سیکیورٹی گارڈز بھی شہید ہوئے۔

ترجمان پاک فوج کے اعلامیے کے مطابق جھڑپ کےدوران دہشت گردوں کوبھاری نقصان ہوا اور سیکیورٹی فورسز نے مؤثر کارروائی کرتے ہوئے آئل اینڈ گیس ڈویلمپنٹ کمپنی لمیٹڈ (او جی ڈی سی ایل) کے قافلے کو علاقے سے بحفاظت نکالا۔

آئی ایس پی آر کے مطابق بلوچستان میں امن وترقی کونقصان پہنچانےکی دشمن کی بزدلانہ کارروائی کامیاب نہیں ہونے دیں گے، سیکیورٹی فورسز نےعلاقےکامحاصرہ کرلیا ہے اور دہشت گردوں کی تلاش جاری ہے۔

شہداء میں لائنس نائیک افتخاراحمد، سپاہی محمدوارث، سپاہی عمران خان، سپاہی محمدنوید، لانس نائیک عبداللطیف، صوبیدار عابدحسین، نائیک محمد انورشامل ہیں۔

آئی ایس پی آر کے مطابق شہید ہونے والوں میں حوالدار ریٹائرڈ سمند خان، محمد فواد اللہ، عطا اللہ، وارث خان، عبدالنافع، شاکر اللہ اور عابد حسین بھی شامل ہیں۔

آئی ایس پی آر کے مطابق ایسی بزدلانہ کارروائیوں سے سیکیورٹی فورسز کا عزم مزید بلند ہوتا ہے، سیکیورٹی فورسز اپنی جانوں کا نذرانہ دے کرمادر وطن کے دفاع کےلیے پرعزم ہیں۔