عمران خان کو نواز شریف کی تقریر سے تکلیف نہیں تو ٹی وی پر دکھائيں، مریم اورنگزیب

ن لیگ کی ترجمان مریم اورنگ زیب نے کہا ہے کہ اگر عمران خان کو نواز شریف کی تقریر سے تکلیف نہیں تو ٹی وی پر دکھائيں۔

وزیراعظم عمران خان کی تقریر کے جواب میں مریم اورنگزیب نے کہا کہ عمران جن دو بچوں کی بات کررہے ہیں انہوں نے ہی عمران کو نانی یاد دلادی۔

وزیراعظم عمران خان نے اپوزیشن کیخلاف سخت کارروائی کا عندیہ دے دیا

دم دبا کربھاگنے والا گیدڑ آرمی چیف اور ڈی جی آئی ایس آئی کے خلاف بات کررہا ہے، یہ وہ آدمی ہے جو ضیاء الحق کے جوتے پالش کرتے ہوئے وزیراعلیٰ بنا تھا: عمران خان

خیال رہے کہ وزیراعظم عمران خان نے آج ٹائیگر فورس کے کارکنوں سے خطاب میں کہا ہے کہ ’جو انسان جدوجہد نہیں کرتا وہ لیڈر ہی نہیں بن سکتا اور انہوں نے ایک گھنٹہ حلال کا کام نہیں کیا اور وہ لیکچر دے رہے ہیں جو اپنے باپ کی حرام کی کمائی پر پلے ہوئے ہیں‘۔

ان کا یہ بھی کہنا تھا کہ گزشتہ روز دو بچوں نے تقریریں کیں، ان پر بات نہیں کرنا چاہتا، ایک ان میں سے نانی ہوگئی ہے لیکن وہ میرے لیے بچی ہی ہے