Can't connect right now! retry

پاکستان
20 اکتوبر ، 2020

وزیراعظم کا مہنگائی کم کرنے میں رکاوٹ بننے والوں سے سختی سے نمٹنے کا فیصلہ

فوٹو: فائل

وزیراعظم عمران خان نے قیمتوں میں کمی میں رکاوٹ بننے والوں سے سختی سے نمٹنے کا فیصلہ کیا ہے۔

ذرائع کے مطابق وزیراعظم عمران خان کی زیر صدارت ہونے والے وفاقی کابینہ اجلاس میں ملکی سیاسی صورتحال، اپوزیشن کے جلسے اور تحریک سمیت منہگائی کی صورتحال پر مشاورت ہوئی اور وزارء نے تجاویز دیں۔

ذرائع کا کہنا ہے کہ وزیراعظم نے کابینہ کو پنجاب میں سہولت بازار لگانے کے فیصلے پر بھی اعتماد میں لیا، گندم، چینی کی مقررہ ہدف تک درآمد کے بعد اشیائے خوردونوش کی قیمتیں کم ہوں گی۔

ذرائع کا بتانا ہے کہ وزیراعظم عمران خان نے کابینہ کے فیصلوں پر عملدرآمد یقینی بنانے پر زور دیا اور وزیراعظم نے اشیائے ضروریہ کی قیمتوں میں کمی کے لیے ہنگامی اقدامات کرنے کا فیصلہ کیا ہے۔

ذرائع کا بتانا ہے کہ مہنگائی کو کنٹرول کرنے کے لیے وزیراعظم نے وفاقی محکموں اور صوبائی حکومتوں سے مشاورت بھی کی ہے۔

ذرائع کا کہنا ہے کہ وزیراعظم نے مہنگائی کے خاتمے میں رکاوٹ بننے والوں سے سختی سے نمٹنے کا فیصلہ کیا ہے۔

ذرائع کے مطابق مہنگائی کو کنٹرول کرنے کے لیے پنجاب، خیبرپختونختوا اور اسلام آباد میں سخت اقدامات کیے جائیں گے۔

خیال رہے کہ گزشتہ روز بھی وزیراعظم عمران خان نے لاہور میں مہنگائی کو کنٹرول کرنے سے متعلق اجلاس کی صدارت کی تھی، اجلاس میں پنجاب کے مختلف شہروں میں سستے بازار لگانے کا فیصلہ کیا گیا تھا۔

اس سے قبل وزیراعظم عمران خان نے مہنگائی کو کنٹرول کرنے کے لیے ٹائیگر فورس کو ذمہ داری سونپی تھی کہ ٹائیگر فورس کے رضاکار اپنے اپنے علاقوں میں اشیائے ضروریہ کی قیمتوں پر نظر رکھیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM