افغانستان کے شہر جلال آباد میں پاکستانی قونصل خانے سے 5 کلومیٹر دور ایک میدان میں بھگدڑ مچنے سے 12 خواتین جاں بحق جب کہ متعدد زخمی ہو گئیں۔
صوبہ ننگر ہار کے گورنر کے ترجمان نے ہلاکتوں کی تصدیق کرتے ہوئے کہا کہ حادثے میں زخمی و جاں بحق ہونے والے افراد پاکستان کا ویزہ حاصل کرنے کے لیے جمع تھے۔
افغان خبر رساں ادارے کے مطابق حادثے میں 9 خواتین اور 3 مرد بھی زخمی ہوئے۔
افغانستان میں پاکستان کے سفیر منصور خان نے ٹوئٹ کے حادثے پر افسوس کا اظہار کیا اور کہا ہے کہ ویزہ درخواستوں کے حصول کے انتظامات صوبائی حکومت کے پاس تھے۔