دردکُش دوا کے مضر اثرات پر دوا ساز ادارے پر 8 ارب ڈالر سے زائدکا جرمانہ

دردکُش دوا  آکسی کانٹن (OxyContin) کے مضر صحت اثرات کے الزامات درست ثابت ہونے پر امریکی دوا ساز ادارے پرڈیو فارما (Purdue Pharma) پر 8 ارب ڈالر سے زائد کا جرمانہ عائد کردیا گیا۔

غیر ملکی میڈیا کے مطابق  امریکی دوا ساز ادارے پرڈیو فارما نے دردکش  دوا کے مضر اثرات سے متعلق الزامات قبول کرتے ہوئے 8 ارب 3 کروڑ ڈالر کا جرمانہ ادا کرنے پر آمادگی ظاہر کی ہے۔

جانسن کمپنی کو بے بی پاؤڈر میں کینسر کا باعث بننے والے عنصر کی موجودگی کا علم تھا

تجزیے کے مطابق 1971 سے لے کر 2000 تک کے خام اور ڈبے میں بند استعمال کے لیے پاؤڈر کے نمونوں میں ایبیسٹوس کے ذرات معمولی مقدار میں پائے گئے

  آکسی کانٹن بنانے والے ادارے پر دوائی کے جان لیوا اور نقصان دہ اثرات کو چھپانے کے الزامات تھے جن سے مبینہ طور پر ہزاروں امریکیوں کی اموات ہوئیں۔

 امریکی محکمہ انصاف کے ساتھ ہونے والے معاہدے کے تحت پرڈیو فارما نے  آکسی کانٹن کی پیداوار روکنے پر بھی اتفاق کیا ہے۔

معاہدے کے تحت دواساز ادارے کی جانب سے دیا گیا جرمانہ نشے کے عادی افراد کے علاج میں استعمال کیا جائےگا۔

امریکی محکمہ انصاف سے ہونے والا معاہدہ عدالت سے منظوری کے بعد ہی قابل عمل ہوگاجب کہ کمپنی کو مختلف امریکی ریاستوں اور خاندانوں کی جانب سے ہزاروں مقدمات کا بھی سامنا ہے۔