پاکستان
Time 03 دسمبر ، 2020

پی ڈی ایم کے جلسے، حکومت پریشان ہے یا نہیں؟ سروے نتائج جاری

45 فیصد پاکستانیوں نے پی ڈی ایم کے پاور شوز کوعمران خان کی حکومت کےلیے غیر اہم قرار دے دیا اور کہا ہے کہ حکومت مضبوط ہے جلسوں سے اسے کوئی پریشانی نہیں ۔

پلس کنسلٹنٹ کی جانب سے جاری نئے سروے میں لوگوں سے پوچھا گیا کہ اپوزیشن اتحاد (پی ڈی ایم )کے جلسوں سے حکومت پریشان ہے یا نہیں۔

اس سوال کے جواب میں 45 فیصد پاکستانیوں نے کہا کہ حکومت پریشان نہیں ہے مگر 35 فیصد مانتے ہیں کہ جلسوں سے حکومت بہت پریشان ہے۔

سروے میں لوگوں سے ایک اور سوال پوچھا گیا کہ کیا حکومت کا بیانیہ درست ہے کہ اپوزیشن کا اتحاد کرپشن چھپانے کا بیانیہ ہے؟

اس کے جواب میں 40 فیصد پاکستانیوں کو یقین ہے کہ اپوزیشن اتحاد کو کرپشن چھپانے کا بہانہ کہنے کا حکومتی بیانیہ جھوٹ ہے جب کہ 39 فیصد سمجھتے ہیں کہ حکومت سچ کہہ رہی ہے کہ اپوزیشن اپنی کرپشن بچانے کے لئے ایک ہوئی ہے ۔

مزید خبریں :