'ہلدی' کی رسم سے گوہر خان کی شادی کی تقریبات کا آغاز

بھارت کے معروف ریئلٹی شو 'بگ باس 7' کی ٹرافی اپنے نام کرنے والی گوہر خان کی شادی کی تقریبات کا آغاز ہو گیا۔

گزشتہ روز اداکارہ گوہر خان اور ٹک ٹاکر زید دربار  کی شادی کی تقریبات کا آغاز 'چکسا' کی رسم (یعنی ہلدی کی رسم) سے ہوا۔

ہلدی کی رسم کے موقع پر گوہر خان نے پیلے رنگ کا خوبصورت لہنگا اور چولی پہن رکھی تھی جب کہ زید دربار نے بھی پیلے رنگ کا چکن کاری کرتہ پہنا ہوا تھا۔  

اداکارہ گوہر خان اور زید دربار کی جانب سے سوشل میڈیا پر تصاویر شیئر کی گئیں جسے ان کے مداحوں کی جانب سے خوب پسند کیا جا رہا ہے۔

گوہر خان نے شادی کے دعوت نامے میں پوری 'لو اسٹوری' بیان کردی- Geo News Urdu

سوشل میڈیا پر گوہر خان کی ساتھی اداکاراؤں اور اداکار کی جانب سے انہیں مبارکباد دینے کے ساتھ ساتھ ان کی آنے والی زندگی کے لیے نیک خواہشات کا اظہار بھی کیا جا رہا ہے۔

واضح رہے کہ گوہر خان اور زید دربار رواں ماہ 25 دسمبر کو رشتہ ازدواج میں بندھ جائیں گے۔