Can't connect right now! retry

انٹرٹینمنٹ
11 جنوری ، 2021

منشیات کیس: ارجن رامپال کی بہن بھی نارکوٹکس کنٹرول بیورو طلب

فائل:فوٹو

بالی وڈ اداکار ارجن رامپال پر مبینہ طور پر منشیات  کے استعمال کے کیس میں گرفت مضبوط ہونے کے بعد  ان کی بہن کومل رامپال کو بھی  نارکوٹکس کنٹرول بیورو (این سی بی) نے طلب کرلیا۔

بھارتی نیوز ایجنسی کے مطابق  منشیات کیس میں جاری تحقیقات کے سلسلے میں کومل رامپال کو پوچھ گچھ کے لیے طلب کیا گیا ہے جبکہ اس سے قبل ارجن رامپال کی گرل فرینڈ گیبریلا ڈیمٹریڈس سے بھی پوچھ گچھ کی گئی تھی۔

 واضح رہے کہ گزشتہ برس نومبر کے ماہ میں منشیات کیس میں بھارتی اداکار ارجن رامپال کے گھر چھاپا  مارا گیا تھا جہاں چھاپے کے دوران اداکار کے گھر سے الیکٹرانک گیجٹس اور ممنوعہ ادویات ضبط کی گئی تھیں۔

دوران تفتیش اداکار سے ممنوعہ ادویات سے متعلق پوچھ گچھ کی گئی جس پر ارجن رامپال نے نارکوٹکس کنٹرول بیورو کو بتایا کہ ممنوعہ گولیوں میں سے ایک دوا ڈاکٹر کی جانب سے ان کے کتے کے لیے تجویز کردہ ہے جب کہ دوسری دوا ان کی بہن انزائٹی کے لیے بطور ایس او ایس استعمال کرتی ہیں جو کہ نئی دہلی میں مقیم نفسیاتی ڈاکٹر کی تجویز کردہ ہے۔

خیال رہے کہ سال نو کے آغاز پر اداکار ارجن رامپال بھی اپنے مداحوں سے انسٹاگرام پوسٹ کے ذریعے کسی غلط اور غیر قانونی کام میں ملوث نہ ہونے کا اظہار کرچکے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM