ابھیشک بچن نے پہلی مرتبہ آٹوگراف کب دیا؟

بالی وڈ میگا اسٹار امیتابھ بچن سوشل میڈیا پر بے حد فعال نظر آتے ہیں اور وہ اکثر اپنے ماضی سے متعلق یادیں اور تصاویر بھی مداحوں کے ساتھ شیئر کرتے ہیں۔

اب حال ہی میں میگا اسٹار امیتابھ بچن نے اپنے انسٹاگرام اکاؤنٹ پر ابھیشیک بچن کے ساتھ ماضی کی ایک پرانی اور یادگار تصویر شیئر کی ہے۔

تصویر میں دیکھا جا سکتا ہے بالی وڈ اسٹار امیتابھ بچن کے بیٹے ابھیشیک ان کی گود میں بیٹھے ہوئے ہیں۔

یہ تصویر 1990 کی ہے جب اداکار ابھیشیک بچن 14 سال کے تھے اور یہ تصویر تاشقند میں کیمرے کی آنکھ نے قید کی تھی۔

امیتابھ بچن نے اس تصویر کی کیپشن میں اس لمحے کی خاص بات بتائی کہ اس وقت ان کے بیٹی ابھیشیک نے اپنی زندگی کا پہلا آٹو گراف دیا تھا۔

اس تصویر کو جہاں امیتابھ کے مداحوں کی جانب سے بے حد پسند کیا جا رہا ہے وہیں ان کے ایک مداح نے امیتابھ بچن کے کیپشن میں موجود غلطی کی رہنمائی بھی کی۔

اداکار امیتابھ بچن نے تصویر کی کیپشن میں 1900 لکھ دیا تھا جسے ان کے مداح نے درست کرتے ہوئے لکھا کہ 'سر میرے خیال میں آپ کا مطلب 1990 ہوگا۔