13 جنوری ، 2021
پاکستان کے موجودہ وزیراعظم اور پاکستان کرکٹ ٹیم کے سابق کپتان عمران خان دنیا کے بہترین کپتان قرار پائے ہیں۔
انٹرنیشنل کرکٹ کونسل ( آئی سی سی) کے سوشل میڈیا پر سروے میں عمران خان، ویرات کوہلی، اے بی ڈی ویلیئرز اور آسٹریلوی خاتون کرکٹر میگ لیننگ کے درمیان مقابلہ تھا۔
عوام سے پوچھا گیا کہ چاروں افراد میں سے کس نے قیادت سنبھالنے کے بعد بہترین کارکردگی کا مظاہرہ کیا۔
24 گھنٹے میں 5 لاکھ 36 ہزار سے زائد شائقین نے عمران خان کو پسندیدہ کپتان قرار دیا۔
عمران خان نے 47 فیصد ووٹ حاصل کیے، بھارتی کپتان ویرات کوہلی 46 فیصد کے ساتھ دوسرے نمبر پر رہے۔