کیا 'جیک ما' اے سی ٹیکنیشن بن گئے؟
14 جنوری ، 2021
دنیا کی معروف آن لائن ای کامرس چینی کمپنی علی بابا کے سابق چیف ایگزیکٹو اور شریک بانی جیک ما کے چاہنے والوں کے ذہنوں میں یہ سوال ضرور گردش کر رہا ہو گا کہ علی بابا چھوڑنے کے بعد جیک ما آج کل کیا کر رہے ہیں۔
جیک ما نے 2018 میں علی بابا چھوڑنے کا اعلان کیا تھا لیکن اس کے بعد اب تک یہ واضح نہیں ہو سکا ہے کہ جیک ما نے علی بابا سے اپنی راہیں جدا کرنے کے بعد کیا پیشہ اختیار کیا ہے۔
مختلف میڈیا رپورٹس کے مطابق جیک ما نے گزشتہ برس اکتوبر میں ایک فنانشل ٹیکنالوجی کانفرنس سے خطاب کرتے ہوئے چینی حکومت کے ریگولیٹرز اور ریاستی بینکوں کو تنقید کا نشانہ بنایا تھا۔
اس تقریر کے بعد سے جیک ما منظرعام سے غائب ہیں اور دو ماہ سے زائد عرصے سے وہ عوامی سطح پر نہیں دیکھے گئے۔
اب سوشل میڈیا پر ایک ویڈیو وائرل ہو رہی ہے جس میں جیک ما سے ہوبہو ملتا ایک نظر آ رہا ہے اور صارف کی جانب سے اس شخص کو علی بابا کا جیک ما قرار دیتے ہوئے کہا گیا ہے کہ بالآخر جیک ما کو ڈھونڈ نکالا، ساتھ میں صارف نے ہیش ٹیگ مسنگ جیک ما بھی لکھا۔
