کالج میں سرعام پروفیسر کو قتل کرنے والے طالب علم کو سزائے موت

بہاولپور کی انسداد دہشت گردی کی عدالت نے پروفیسر خالد حمید قتل کیس کا فیصلہ سنادیا۔

20 مارچ 2019 کو بہاولپور کے  133 سالہ پرانے گورنمنٹ صادق ایجرٹن کالج میں شعبہ انگریزی کے ایسوسی ایٹ پروفیسر کو کالج کے اندر ایک طالب علم نے چھریوں کے وار کرکے قتل کردیا تھا۔

انسداد دہشت گردی کی عدالت پروفیسر خالد حمید قتل کیس کا فیصلہ سناتے ہوئے ایک ملزم کو سزائے موت کا حکم جبکہ دوسرے ملزم کو 7 سال قید کی سزا سنائی ہے۔

بہاول پور کے گورنمنٹ کالج میں طالب علم کے ہاتھوں استاد کا لرزہ خیز قتل

ملزم کی شناخت خطیب حسین کے نام سے ہوئی ہے اور وہ بی ایس انگریزی کے پانچویں سمسٹر کا طالب علم ہے-

سزائے موت کے مجرم خطیب حسین نے 2019 میں پروفیسر کو اسٹاف روم میں قتل کیا تھا۔

طالب علم نے پروفیسر خالد حمید پر اسلام مخالف ہونے کا الزام عائد کیا تھا اور بیان میں کہا تھا کہ شعبہ انگریزی کے فن فیئر پروگرام کیلئے وہ لڑکیوں کو ناچ گانے کی مشق کرا رہا تھا۔

ملزم کا کہنا تھا کہ اس معاملے پر اس کی پروفیسر سے بحث ہوئی اور اختلاف کے بعد اس نے طیش میں آکر چھری کے پے در پے وار پروفیسر کو قتل کیا۔