افغانستان میں امریکی فوجیوں کی تعداد 20 سال کی کم ترین سطح پر پہنچ گئی

امریکا نے افغانستان میں امریکی فوج کی تعداد مزید کم کرکے ڈھائی ہزار کردی جبکہ  امریکی فوج کی تعداد میں کمی پر طالبان نے خیر مقدم کیا ہے۔

امریکا اور طالبان کے درمیان طے پائے گئے معاہدے کے تحت امریکی فوج کی واپسی ہوئی ہے۔

امریکی محکمہ دفاع نے افغانستان میں امریکی فوجی اہلکاروں کی تعداد کم کرکے 2500 ہزار کرنے کی تصدیق کی ہے۔

امریکا کا افغانستان و عراق میں فوجیوں کی تعداد 20 سال کی کم ترین سطح پر لانے کا اعلان

قائم مقام وزیر دفاع کرسٹوفر ملر نے پینٹاگون میں پریس کانفرنس کی جس میں انہوں نے افغانستان اور عراق سے امریکی فوجیوں کے انخلاء کا روڈ میپ پیش کیا

امریکی فوج کے انخلاء پر طالبان کے ترجمان نے اپنے بیان میں کہا ہے کہ افغانستان سے امریکی فورسز کا بتدریج انخلاء قیام امن کیلئے اچھی پیش رفت ہے۔

خیال رہے کہ دو دہائیوں سے جاری افغان جنگ کے دوران افغانستان میں امریکی افواج کی یہ کم ترین تعداد ہے۔ 

واضح رہے کہ گزشتہ سال نومبر میں امریکا نے  جنوری 2021 تک افغانستان اور عراق میں فوجیوں کی تعداد تقریباً 20 سال کی کم ترین سطح پر لانے کا اعلان کیا تھا۔