18 جنوری ، 2021
سوڈان کے انتشار سے متاثرہ علاقے دارفور میں قبائلی جنگ میں ہونے والی ہلاکتوں کی تعداد 83 ہوگئی ہے۔
ترک خبررساں ایجنسی کے مطابق حالیہ تنازع ہفتے کے روز شروع ہوا تھا جب ایک شخص کو چاقو کے وار سے قتل کردیا گیا تھا جس کے بعد سے علاقے میں خانہ جنگی شروع ہوگئی۔
رپورٹ کے مطابق پرتشدد واقعات میں ہلاک ہونے والوں میں بچے اور خواتین بھی شامل ہیں جب کہ 150 سے زائد افراد زخمی ہونے کی اطلاعات ہیں۔
قبائلی تشدد کا یہ واقعات ایسے وقت پیش آئے ہیں جب اقو ام متحدہ نے حال ہی میں وہاں پر اپنے 13 سالہ قیام امن مشن کو ختم کرتے ہوئے سیکیورٹی کی ذمہ داری سوڈان کے حوالے کی گئی ہے۔