کورونا ویکسین تیار کرنے والے دنیا کے سب سے بڑے پلانٹ میں آتشزدگی، 5 ہلاک

بھارت کے شہر پونے میں کورونا ویکسین بنانے والی دواساز فیکٹری میں آگ لگ گئی جس کے نتیجے میں 5 افراد ہلاک ہوگئے۔

بھارتی میڈیا کے مطابق آگ فیکٹری کی ایک عمارت کے اندر لگی جس سے فیکٹری کا ایک پروڈکشن پلانٹ متاثر ہوسکتا ہے تاہم فیکٹری ذرائع کا کہنا ہے کہ آگ سے ویکسین پروڈکشن متاثر ہونے کا امکان نہیں ہے۔

دنیا کی سب سے بڑی کورونا ویکسینیشن مہم بھارت میں شروع

ویکسینیشن کے پہلے روز بھارت بھر میں ایک لاکھ 91 ہزار سے زائد ڈوز دی گئیں: بھارتی وزارت صحت

فائر فائٹرز، پولیس اور ریسکیو اہلکار آگ پر قانو پانے اور علاقے کو کلیئر کرنے کے لیے آپریشن کررہے ہیں۔

خیال رہے کہ آگ سیرم انسٹی ٹیوٹ آف انڈیا (ایس آئی آئی) کے ایک زیر تعمیر حصے میں لگی جس سے کورونا ویکسین کی تیاری کے عمل میں کوئی رکاوٹ نہیں آئے گی۔ 

ایس آئی آئی آکسفورڈ یونیورسٹی کی تیار کردہ کورونا ویکسین آسٹرازینیکا، امریکا میں تیارہ کردہ نووا ویکس اور مقامی طور پر تیار کردہ ویکسین کے کروڑوں ڈوز تیار کررہی ہے اور یوں یہ دنیا کا کورونا ویکسین تیار والی سب سے بڑی کمپنی ہے۔

بھارت میں تیار ہونے کے بعد یہ ویکسین مختلف ممالک میں بھیجی جارہی ہیں۔