’موجودہ الیکشن کمیشن جیسا ہی الیکشن کمیشن درکار تھا‘
23 فروری ، 2021
اسلام آباد: وفاقی وزیر برائے سائنس و ٹیکنالوجی فواد چوہدری کا کہنا ہےکہ موجودہ الیکشن کمیشن جس طرح کام کر رہا ہے ہمیں ایسا ہی الیکشن کمیشن درکار تھا۔
جیونیوز کے پروگرام آج شاہزیب خانزادہ کے ساتھ میں گفتگو کرتے ہوئے فواد چوہدری نے کہا کہ ضمنی انتخابات میں تحریک انصاف نے اپنے ووٹ بینک میں اضافہ کیا ہے۔
وفاقی وزیر کا کہنا تھا کہ نوشہرہ میں جو ہوا وہ اندرونی اختلافات کا نتیجہ ہے۔
واضح رہےکہ نوشہرہ کے ضمنی الیکشن میں پاکستان تحریک انصاف کو شکست کا سامنا کرنا پڑا جس کی وجہ پارٹی کے اندرونی اختلافات بتائی جارہی ہے۔
