سینیٹ انتخابات : وزیراعظم کا ارکان قومی اسمبلی سے ملاقاتوں کا فیصلہ

سینیٹ انتخابات کے لیے وزیر اعظم عمران خان نے ارکان قومی اسمبلی سے ملاقاتوں کا فیصلہ کیا ہے۔

ذرائع کے مطابق وزیراعظم نے  سینیٹ انتخابات پر حکمت عملی ترتیب دے دی ہے،  وزیراعظم اگلے دو روز پارلیمنٹ ہاؤس میں ارکان سے ملاقاتیں کریں گے اور اُن کے مسائل سُنیں گے اور خدشات دورکریں گے۔

سینیٹ الیکشن میں حفیظ شیخ اور فوزیہ ارشد دونوں کامیاب ہوں گے، اسد عمر

جن پی ٹی آئی ارکان کے بارے میں سُنا تھا کہ وہ ووٹ نہیں دیں گے وہ ووٹ دینے کو تیار ہیں، وفاقی وزیر ترقی و منصوبہ بندی اسد عمر

ذرائع کا کہنا ہے کہ سینیٹ انتخابات کے باعث ہفتہ وار کابینہ اجلاس بھی مؤخر ہونے کا امکان ہے۔

ذرائع کے مطابق  تاحال وفاقی کابینہ کا اجلاس نہیں بلایا گیا ہے۔