01 مارچ ، 2021
پاکستان ریلویز نے 12 سال بعد انٹرنیشنل گڈز ٹرین بحال کر دی۔
ترکی اور پاکستان کے درمیان 4 مارچ سے انٹرنیشنل گڈز ٹرین رواں دواں ہو گی جبکہ پہلی ٹرین ترکی سے 2 ہفتوں میں 8 ہزار 490 کلومیٹر کا فاصلہ طے کرکے کراچی پہنچے گی۔
یہ ٹرین ایران، زاہدان، کوئٹہ اور روہڑی سے ہوتی ہوئی کراچی پہنچے گی جبکہ پہلی انٹرنیشنل ٹرین گھریلو استعمال کا الیکٹرانکس سامان لا رہی ہے۔
ریلوے حکام کا کہنا ہے کہ یہ ٹرین اسی ماہ کراچی سے سامان لے کر ترکی روانہ ہوگی۔