نریندر مودی نےکورونا کی ویکسین لگوالی

بھارتی وزیراعظم نریندر مودی نے کورونا وائرس کی ویکسین لگوالی۔

خبر ایجنسی کے مطابق بھارتی وزیراعظم نے دنیا کی سب سے بڑی ویکسینیشن مہم میں پیر کے روز کورونا کی ویکسین لگوالی۔

دوسری جانب سرکاری سطح پر ویکسین لگوانے کے لیے آن لائن بکنگ نظام میں خرابی کے باعث ہزاروں افراد ویکسین لگوانے سے محروم رہ گئے۔

دنیا کی سب سے بڑی کورونا ویکسینیشن مہم بھارت میں شروع

ویکسینیشن کے پہلے روز بھارت بھر میں ایک لاکھ 91 ہزار سے زائد ڈوز دی گئیں: بھارتی وزارت صحت

خیال رہےکہ بھارت میں ایک کروڑ 10 لاکھ سے زائد افراد کورونا سے متاثر ہوچکے ہیں جب کہ ڈیڑھ لاکھ سے زائد افراد ہلاک ہوچکے ہیں۔

رپورٹ کے مطابق بھارتی حکومت جون کے آخر تک 60 سال سے زائد عمر اور کسی بھی بیماری کا شکار 45 سال سے زائد عمر کے 30 کروڑ افراد کو ویکسین لگانے کا منصوبہ رکھتی ہے۔