04 مارچ ، 2021
ایک پرواز کے دوران بلی نے جہاز کے پائلٹ پر حملہ کر دیا جس کے باعث جہاز کو ایمرجنسی میں لینڈ کروانا پڑ گیا۔
غیر ملکی میڈیا کے مطابق سوڈان کی ائیر لائن کے جہاز نے دارالحکومت خرطوم سے دوحا قطر کے لیے اڑان بھری تھی کہ چند ہی منٹوں بعد ایک بلی جہاز میں سامنے آ گئی۔
جہاز کے عملے نے بلی کو پکڑنے کی بہت کوشش کی لیکن ناکام رہے اور بلی کاک پٹ میں جا گھسی جہاں اس نے پائلٹ پر حملہ کر دیا۔
بلی کی جانب سے پائلٹ پر حملے کے باعث جہاز کو اڑان بھرنے کے 30 منٹ بعد ہنگامی لینڈنگ کروانا پڑی اور پزوار کو واپس خرطوم کے ائیرپورٹ پر اتار لیا گیا۔
سوڈانی حکام کا اس حوالے سے کہنا ہے کہ جہاز کو پرواز سے ایک روز قبل صفائی کے لیے کھڑا کیا گیا تھا اور قوی امکان ہے کہ آوارہ بلی جگہ دیکھ کر سونے کے لیے جہاز میں گھس آئی اور جب جہاز نے اڑان بھری تو وہ جاگ گئی۔