04 مارچ ، 2021
بالی وڈ اداکار سنیل شیٹی نے فلم کے جعلی پوسٹر پر ایک پروڈکشن ہاؤس کے خلاف تھانے میں درخواست دے دی۔
ایک انٹرویو میں سنیل شیٹی کا کہنا تھا کہ پروڈیوسر نے اجازت کے بغیران کی تصویر استعمال کی ہے۔
سنیل شیٹی کاکہنا ہےکہ یہ عمل مکمل طور پر دھوکہ ہے اور اس کے خلاف انہوں نے ممبئی کے ایک پولیس اسٹیشن میں شکایت جمع کرادی ہے۔
ان کا کہنا تھا کہ انہوں نے کوئی فلم سائن نہیں کی، نہیں پتہ کہ یہ کس کی فلم ہے اور کون اس میں کام کررہا ہے۔
بالی وڈ اداکارکا کہنا تھاکہ فلم پروڈیوسر میرا نام استعمال کرکے فلم کے نام پر سرمایہ حاصل کرنا چاہتے ہیں۔