آرمی چیف سے زلمے خلیل اور افغانستان میں امریکی افواج کے کمانڈر کی ملاقات

آرمی چیف جنرل قمر جاوید باجوہ سے امریکی نمائندہ خصوصی برائے افغان امن عمل زلمے خلیل زاد اور افغانستان میں امریکی افواج کے کمانڈر جنرل آسٹن اسکاٹ ملر کی ملاقات ہوئی ہے۔

انٹرسروسز پبلک ریلیشنز (آئی ایس پی آر) کے مطابق آرمی چیف جنرل قمر جاوید باجوہ سے امریکی نمائندہ خصوصی برائے افغان امن عمل زلمے خلیل زاد اور افغانستان میں امریکی افواج کے کمانڈر جنرل آسٹن اسکاٹ ملر کی ملاقات ہوئی۔

جنرل ہیڈکوارٹرز ( جی ایچ کیو) راولپنڈی میں ہونے والی ملاقات میں باہمی دلچسپی کے امور، علاقائی سیکیورٹی اور افغان مفاہمتی عمل پر بات چیت کی گئی۔

اس موقع پر امریکی نمائندہ خصوصی زلمے خلیل زاد اور جنرل آسٹن اسکاٹ ملر نے امن عمل میں پاکستان کے کردار کو سراہا۔