گیلانی کو ووٹ دینے والے ارکان کے نام کے حوالے سے وفاقی وزرا کے متضاد بیانات

سابق وزیر اعظم یوسف رضا گیلانی کو سینیٹ میں ووٹ دینے والے ارکان قومی اسمبلی کے ناموں کے حوالے سے وفاقی وزرا کے متضاد بیانات سامنے آگئے۔ 

جیو نیوز کے پروگرام آج شاہزیب خانزادہ کے ساتھ میں بات کرتے ہوئے وزیر داخلہ شیخ رشید نے کہا کہ وزیر اعظم عمران خان کو گیلانی کو ووٹ دینے والوں کے نام معلوم ہیں۔ 

دوسر جانب اس حوالے سے  وفاقی وزیر فواد چوہدری نے شیخ رشید کے بیان کی نفی کرتے ہوئے کہا کہ وزیراعظم کو ان ارکان کا علم نہیں ہے جنہوں نے یوسف رضا گیلانی کو ووٹ دیا۔ 

انہوں نے کہا کہ معلومات نہ ہونے کے باعث اپنے باغی ارکان کے خلاف کارروائی نہیں کرسکتے، اسی لیے الیکشن کمیشن سے مایوسی ہوئی ہے۔