پاکستان: اب تک 10 سال تک کے 20 ہزار سے زائد بچے کورونا سے متاثر ہوئے

ملک میں اب تک کورونا سے 10 سال تک کے 20 ہزار 756 بچے اور بچیاں متاثر ہوئیں  جب کہ 17 بچے جان کی بازی ہار گئے۔

وفاقی وزارت صحت کے حکام کے مطابق ملک میں اب تک 10 سال تک کی 8420 بچیاں کورونا میں مبتلا ہوئیں جب کہ اسی عمر کے 12 ہزار 336 بچے متاثر ہوئے۔

وزارت صحت کے مطابق ملک میں اب تک 10 سال تک کے 17 بچے کورونا کے باعث زندگی کی بازی ہار چکے ہیں۔

وزارت صحت کا بتانا ہےکہ ملک میں اب تک کورونا سے 20 سال تک کی 22ہزار 537 لڑکیاں اور 32 ہزار 790 لڑکے متاثرہوئے جس میں 52 لڑکے اور لڑکیاں زندگی کی بازی ہار چکے ہیں۔

پنجاب: نومولود سے 15 سال تک کے بچے بھی کورونا میں مبتلا

صوبے میں اب تک 12 ہزار 462 بچے کورونا وائرس میں مبتلا ہوئے جب کہ لاہور میں 5 ہزار 301 بچوں میں کورونا وائرس پایا گیا: رپورٹ

اسلام آباد: ایک سے 10 سال کے درجنوں بچوں میں کورونا کی تصدیق

شہر میں ایک دن میں کورونا کے 548 مثبت کیس سامنے آئے ہیں اور گزشتہ روز سب سے زیادہ کیس شہری علاقوں میں رپورٹ ہوئے۔