’میرے لیے اسکرین پر ہنسنا بہت مشکل تھا‘

بالی وڈ  اداکار  ہریتھک روشن گزشتہ 21 برسوں سے کیمرا فیس کر رہے ہیں تاہم اس کے باوجود اداکار کا کہنا ہے کہ ان کے لیے اسکرین پر ہنسنا بہت ہی مشکل ہوتا تھا۔

سوشل میڈیا پلیٹ انسٹاگرام پر  اداکار کی جانب سے اپنی ایک ہنستی ہوئی تصویر شیئر کرتے ہوئے کیپشن میں اپنے خیالات کا اظہار کیا گیا ہے۔

ہریتھک کو شیئر کی گئی تصویر میں نیلے رنگ کا کوٹ پینٹ پہنے مسکراتے دیکھا جا سکتا ہے۔

اداکار نے اپنی پوسٹ کے کیپشن میں لکھا کہ اسکرین پر میرے لیے ہنسنا بہت مشکل ہوتا تھا جس کی وجہ سے میں ہر  وقت پریشان رہتا تھا، آگے بڑھنے کے لیے سیکھنا میری زندگی کی خوشیوں میں سے ایک ہے۔

اداکار کی پوسٹ پر بالی وڈ اداکاروں سمیت مداحوں کی جانب سے بھی تبصروں کا سلسلہ جاری ہے اور اداکار کی پوسٹ کو چند گھنٹوں کے دوران ہی 16 لاکھ سے زائد بار پسند کیا جاچکا ہے۔