کراچی کے سرکاری اسپتالوں سے متعلق 2 ہفتے بعد بھی سندھ کو وفاق کاجواب نہ مل سکا

کراچی کے سرکاری اسپتالوں سے متعلق دوہفتے بعد بھی سندھ کو وفاق کاجواب نہ مل سکا۔

خیال رہے کہ صوبائی وزیر صحت ڈاکٹر عذرا پیچوہو نے وفاق کو کراچی کے سرکاری اسپتالوں کے معاملے پر خط لکھا تھا اور وفاق کو اسپتالوں کو مشترکہ طور  پر چلانے کی تجویز دی تھی تاہم  2 ہفتےگزر جانےکے باوجود سندھ کو وفاق کاجواب نہ مل سکا۔

سندھ حکومت کا کراچی کے3 سرکاری اسپتالوں کے معاملے پر وفاق سے بات چیت کا فیصلہ

سندھ حکومت کے پاس ان اسپتالوں کیلیے بہترین پلان ہے، اگر یہ وفاق کے پاس گئے تو علاج معالجے کی جاری سہولیات متاثر ہوں گی، وزیراعلیٰ سندھ

خط میں کہا گیا تھا کہ  وفاق ان اسپتالوں کوچلاناچاہتاہےتوپہلےسندھ کےواجبات اداکرے، عدالت نے بھی وفاق کو سندھ کے واجبات اداکرنےکا حکم دیا تھا۔

دوسری جانب سربراہ جناح اسپتال ڈاکٹرسیمی جمالی کو بورڈ آف گورنر میٹنگ میں شرکت سے روک دیاگیا۔

ذرائع کے مطابق وفاقی حکومت نے یکم اپریل کو ڈاکٹرسیمی کوبورڈآف گورنراجلاس میں بلایا تھا لیکن انہیں محکمہ صحت سندھ نے شرکت سےمنع کیا تھا، وزیر صحت سندھ وفاق کے بنائےگئے بورڈ آف گورنرکو ماننے سے انکار کرچکی ہیں۔