ڈسکہ ضمنی الیکشن، حلقے میں فائرنگ پر الیکشن کمیشن کا نوٹس
08 اپریل ، 2021
ڈسکہ این اے 75 کے علاقے کسووال میں ہوائی فائرنگ پر الیکشن کمیشن نے نوٹس لے لیا۔
ڈسٹرکٹ الیکشن کمیشن نے ڈسٹرکٹ پولیس آفیسر (ڈی پی او) سیالکوٹ کو خط بھی لکھ دیا ہے۔
خط میں کہا گیا ہےکہ کسووال میں ن لیگ کے سابق ممبر صوبائی اسمبلی (ایم پی اے) کی آمد پر ہوائی فائرنگ کی گئی اور معلومات کے مطابق ایک شخص کو اغواء بھی کیا گیا ہے۔
ڈسٹرکٹ الیکشن کمیشن نے کہا ہے کہ فائرنگ کے واقعے اورقانونی کارروائی سے متعلق رپورٹ دی جائے۔
خیال رہے کہ قومی اسمبلی کےحلقہ این اے 75 کےضمنی انتخاب میں ری پولنگ 10 اپریل کو ہوگی۔
پولیس کے مطابق آج ڈسکہ این اے75 کےعلاقہ کسووال میں ہوائی فائرنگ کی گئی ہے، ائرنگ کرنےوالوں کےخلاف کارروائی ہو گی۔
مسلم لیگ ن کی امیدوار سیدہ نوشین نے الزام لگایا ہےکہ ہوائی فائرنگ پی ٹی آئی کے کارکنان نےکی ہے۔
