دنیا
Time 09 اپریل ، 2021

نائیجیریا میں فوجی قافلے پر حملہ، 11 اہلکار ہلاک

فائل فوٹو: اے ایف پی

نائیجیریا میں مسلح افراد نے ایک فوجی افسر سمیت 11 اہلکاروں کو قتل کردیا۔

غیر ملکی میڈیا کے مطابق یہ واقعہ سینٹرل نائیجریا کی ریاست بینوے میں پیش آیا جہاں مسلح افراد نے فوجی قافلے پر حملہ کیا جس کے نتیجے میں ایک فوجی افسر اور 10 اہلکار ہلاک ہوگئے۔

نائیجیرین فوج کے ترجمان کا کہنا ہےکہ ریاست بینوے میں فوج کے کئی دستے تعینات ہیں جنہیں معمول کے آپریشنل ٹاسک کے دوران نشانہ بنایا گیا جب کہ فوج کے ترجمان نے حملے سے متعلق مزید تفصیلات فراہم نہیں کیں۔

فوجی ترجمان کا کہنا تھا کہ یہ حملہ فوج کو مسلح گروہوں کے خلاف جاری کارروائیوں سے پیچھے ہٹانے کی کوشش ہے۔

میڈیا رپورٹس کے مطابق اب تک یہ بات واضح نہیں ہوسکی ہے کہ فوج پر حملوں کے پیچھے کون سا گروپ ملوث ہے۔

میڈیا رپورٹس کے مطابق گزشتہ ماہ ریاست بینوے کے گورنر پر بھی قاتلانہ حملہ کیا گیا تھا جس میں وہ محفوظ رہے۔

مزید خبریں :