سستی سے کام کیوں کیا؟ اینٹوں کے بھٹے پر کام کرنیوالا 10 سالہ لڑکا تشدد سے ہلاک
05 مئی ، 2021
فیصل آباد میں اینٹوں کے بھٹے پر منشی کے مبینہ تشدد سے 10 سالہ کمسن ملازم ہلاک ہوگیا۔
پولیس کے مطابق ٹھیکری والا میں بھٹے کے منشی نے بچے کو سست روی سے کام کرنے پر آہنی راڈ سے تشدد کا نشانہ بنایا، متاثرہ بچہ زخموں کی تاب نہ لاتے ہوئے دم توڑ گیا۔
پولیس کا کہنا ہے کہ منشی سلطان سمیت 7 افراد کے خلاف مقدمہ درج کرلیا گیا ہے جب کہ بچے کو تشدد کا نشانہ بنانے والے کو گرفتار کر لیا ہے۔
