صوابی میں کورونا کے مثبت کیسز کی شرح 50 فیصد تک جا پہنچی
07 مئی ، 2021
خیبرپختونخوا کے ضلع صوابی میں کورونا کے مثبت کیسز کی شرح 50 فیصد تک جا پہنچی۔
صوبے کے اسپتالوں میں تقریبا 1600 کورونا مریض زیر علاج ہیں جبکہ گزشتہ 24 گھنٹوں میں صوبے میں 40 کورونا مریضوں کا انتقال ہوا۔
سوات میں سینیر میڈیکل آفیسر ڈاکٹر علی اکبر بھی جان کی بازی ہار گئے۔
صوابی میں کورونا کے مثبت کیسز کی شرح 50 فیصد تک جا پہنچی، اس کے علاوہ پشاور میں شرح 15 فیصد، مردان میں 16 جبکہ صوبے میں مجموعی شرح 10 فیصد رہی۔
بلوچستان میں کورونا مثبت کیسز کی شرح 10 فیصد سے نیچے آگئی جبکہ 3 دن پہلے شرح 18 فیصد تھی۔ صوبے میں فعال کیسز کی تعداد 14 سو سے زائد ہے۔
