09 مئی ، 2021
پاکستانی فلم انڈسٹری کی نامور اداکارہ اور گلوکارہ فریحہ پرویز کی خالہ طلعت صدیقی انتقال کر گئیں۔
ماضی میں سپرہٹ فلموں میں بہترین اداکاری کے جوہر دکھانے والی سینئر اداکارہ طلعت صدیقی کے انتقال کی خبر گلوکارہ فریحہ پرویز کی جانب سے اپنے فیس بک اکاؤنٹ کے ذریعے دی گئی۔
گلوکارہ نے اپنی پوسٹ میں لکھا کہ میری خالہ طلعت صدیقی صاحبہ آج اپنے خالقِ حقیقی سے جا ملیں۔
فریحہ پرویز کا مزید کہنا تھا کہ اللّٰہ تعالیٰ طلعت صدیقی صاحبہ کی مغفرت فرمائے۔
واضح رہے اداکارہ عارفہ صدیقی کی والدہ طلعت صدیقی نے حیدر سلطان، دل نشین اور کالیا جیسی مشہور فلموں میں کام کیا، اس کے علاوہ انہوں نے ریڈیو پاکستان میں بھی کام کیا۔