رحمان ملک کا سیکیورٹی چیکنگ تک بھارتی جوہری پروگرام کو سیل کر نے کا مطالبہ

سابق وزیر داخلہ رحمان ملک نے کہا ہےکہ  عالمی جوہری توانائی ایجنسی بھارت کے تمام 22 سنٹرز کی سیکیورٹی چیکنگ کرے۔

اسلام آباد میں پریس کانفرنس میں سابق وزیر داخلہ رحمان ملک نے کہا کہ بھارت کی یورینیم کی حفاظت سے متعلق حکمت عملی اور انتظامات ناقص ہیں، بھارت میں چند روز قبل 7 کلو گرام یورینیم کی پکڑی گئی۔

بھارت میں بھاری مقدار میں یورینیم برآمدگی کا کیس نیشنل انویسٹی گیشن ایجنسی کے سپرد

اس سے قبل یورینیم برآمدگی کی تفتیش ممبئی پولیس کا خصوصی یونٹ اے ٹی ایس کر رہا تھا

انہوں نے کہا کہ بھارت میں داعش اور آر ایس ایس جیسی تنظیموں کی موجودگی میں یورینیم کی برآمدگی خطرناک ہے۔

سابق وزیرداخلہ نے مطالبہ کیا کہ عالمی جوہری توانائی ایجنسی بھارت کے تمام 22 سنٹرز کی سیکیورٹی چیکنگ کرے اور تحقیقات مکمل تک بھارتی جوہری پروگرام کو سیل کر دیا جائے۔

انہوں نے ایف اے ٹی ایف سے بھی مطالبہ ہے کہ بھارتی افزائش شدہ یورینیم کی برآمدگی کے معاملے کی تحقیقات کی جائیں۔

خیال رہے کہ بھارت میں چند روز قبل 7 کلو گرام یورینیم پکڑی گئی، 2016 میں بھی 9 کلوگرام یورینیم پکڑی گئی تھی۔