جینٹ جیکسن کی سیاہ جیکٹ سوا کروڑ روپے سے زائد رقم میں نیلام

فوٹو: فائل

پانچ مرتبہ گریمی ایوارڈز جیتنے والی گلوکارہ جینٹ جیکسن کی مشہور جیکٹ اندازے سے 20 گنا زائد رقم یعنی سوا کروڑ  روپے سے زائد روپوں میں نیلام کر دی گئی۔

غیر ملکی میڈیا کے مطابق 55 سالہ گلوکارہ نے یہ جیکٹ 1990 میں جاپان کے دورے کے دوران پہنی تھی۔

گلوکارہ کی نیلام کردہ سیاہ جیکٹ میٹل ہارڈ ویئر کے باعث تین دن سے جاری نیلامی اور چار دہائیوں پر مشتمل اداکارہ کی اسٹیج ملبوسات اور یادگاری اشیاء میں قیمتی ہے۔

میڈیا رپورٹس کے مطابق توقع کی جارہی تھی کہ جیکٹ 4ہزار سے6 ہزار ڈالر میں فروخت کی جائے گی تاہم توقع سے 20 گنا زائد قیمت میں فروخت ہوئی لیکن خریدار کا نام ظاہر نہیں کیا گیا۔

خیال رہے کہ گلوکارہ جینٹ جیکسن ان دنوں اپنے دوروں،  ریڈ کارپٹ اور اسٹیج پر پہنے جانے والے1000 سے زائد ملبوسات کی فروخت کر رہی ہیں۔

گزشتہ ہفتے گلوکارہ نے 1990 کے دوران پہنی جانے والی ہوپ ایئر رنگ 43 ہزار  ڈالر میں فروخت کی تھی۔

مزید خبریں :