شازیہ وجاہت نے منفی تبصرے کرنیوالے صارفین کو خبردار کردیا

معروف ڈائریکٹر وجاہت رؤف کی اہلیہ پروڈیوسر شازیہ وجاہت نے منفی باتیں کرنے والے صارفین کی نشاندہی کرتے ہوئے انہیں خبردار کیا ہے۔

ہانیہ عامر اور عاشر وجاہت کی وائرل ویڈیو کے بعد سے اب تک سوشل میڈیا صارفین ان پر کڑی تنقید کررہے ہیں جس کے بعد عاشر کی والدہ شازیہ وجاہت نے خاموشی توڑ دی۔

انہوں نے انسٹاگرام پر اسٹوری شیئر کی جس میں انسٹاگرام کے کچھ اکاؤنٹس کے اسکرین شاٹ تھے۔ 

شازیہ وجاہت نے انہیں جعلی اکاؤنٹس قرار دیتے ہوئے کہا کہ یہ وہ لوگ ہیں جو ہماری پوسٹ پر منفی کمنٹس اور بکواس باتیں کررہے ہیں۔

انہوں نے لکھا کہ اس سے یہ ثابت ہوتا ہے کہ ان میں اپنے اصل اکاؤنٹ سے کمنٹس کرنے کی ہمت ہی نہیں ہے، جلد ہی دیگر اکاؤنٹس کے ہمراہ انہیں بھی ٹریس کرلیا جائے گا۔