10 جون ، 2021
قومی اسمبلی اجلاس کے اجلاس میں گفتگو کرتے ہوئے پیپلز پارٹی کے رکن اسمبلی قادر خان مندوخیل نے کہا کہ گزشتہ روزفردوس عاشق اعوان نے ٹی وی پروگرام میں جو رویہ رکھا اس پر پورےایوان کاسرشرم سےجھک گیا۔
قادر خان مندوخیل نے مزید کہا کہ جو زبان فردوس عاشق اعوان نے استعمال کی یہ عمران خان کی تربیت ہے، ایک منتخب نمائندے پر حملہ کیا گیا۔
اس موقع پر تحریک انصاف کے رکن قومی اسمبلی علی محمد خان نے کہا کہ ہم سب کو اس پر افسوس ہے پورے ایوان کو اس پر افسوس ہے، لیکن اگرکسی فرد نےذاتی فعل کیاہےتومیں اسےزرداری صاحب کی ٹریننگ نہیں کہوں گا، آپ ہر بات پر عمران خان پر کیوں الزام لگاتے ہیں؟
علی محمد خان نے کہا کہ سیاسی بات کرتے ہیں تو پھر گالی نہیں دینی چاہیے، اس دن بھی پیپلز پارٹی کے ارکان نے ایوان میں گالیاں نکالیں، عمران خان کا قصور یہ ہے کہ اس نے ’اسٹیٹس کو‘ کو چیلنج کیا۔