با اثر شخصیت کی شادی میں فائرنگ کی اطلاع دینے والی لڑکی کو دھمکیوں کا سامنا
10 جون ، 2021
فیصل آباد میں گاؤں کی با اثر شخصیت کی شادی کی تقریب میں فائرنگ کی اطلاع دینے والی لڑکی کو دھمکیوں کا سامنا کرنا پڑ رہا ہے۔
لڑکی نے شادی کے دوران ہوائی فائرنگ کی اطلاع پولیس کو دی تھی جس پر پولیس نے کارروائی کرتے ہوئے ملزمان کو گرفتار کیا تھا۔
ضمانت پر رہا ہونے کے بعد ملزمان نے بےعزتی کا بدلہ لینے کیلئے پولیس ریکارڈ سے کالر کا نمبر حاصل کرلیا۔
با اثرملزمان نے لڑکی اور اس کے والد کو پنچائیت میں طلب کرکےہراساں کیا اور سنگین دھمکیاں دیں۔
پولیس کا کہنا ہے پنچائیت کے 14 افراد کے خلاف مقدمہ درج کرلیا گیا ہے۔
ایس ایس پی آپریشن محمد افضل کے مطابق 15 کے ریکارڈ سے کالر کا نمبر ملزمان کو فراہم کرنے کی انکوائری کر کے ذمہ داران کے خلاف کاروائی کی جائے گی۔
