’شادی کا لہنگا اسد کے پیروں میں آرہا تھا جس سے وہ ناراض ہوگئے تھے‘

فوٹوفائل

اداکارہ زارا نور عباس کا کہنا ہے ان کی شادی کا لہنگا اتنا بڑا تھا کہ  شادی کے روز ہی اسد کی ناراضگی کی وجہ بن گیا۔

زارا نور عباس شوہر اور اداکار اسد کے ہمراہ حال ہی میں نجی ٹی وی کے پروگرام میں جلوہ گر ہوئیں اور دوران شو اپنی شادی اور شوبز کیرئیر سے متعلق گفتگو کی۔

دوران شو زارا اور اسد نے بتایا کہ ہم نے سوچا تھا کہ ہم شادی بہت سادگی سے کریں گے لیکن وہ ہو نہیں پائی۔

زارا نور نے کہا کہ شادی پر میرا لہنگا اتنا بڑا تھا کہ وہ اسد کے پیروں میں آرہا تھا اور اسد نے مجھ سے منہ بنالیاتھا۔

زارا کے اس انکشاف کی اسد نے بھی تصدیق کی اور کہا کہ لہنگا بار بار میرے پیروں میں آرہا تھا اور جب جب ہم چلتے وہ پیروں میں آجاتا اس وجہ سے ٹینشن ہورہی تھی۔

خیال رہے کہ اس سے قبل ایک انٹرویو میں زارا نور عباس انکشاف کرچکی ہیں اسد صدیقی سے شادی کرانے میں قریبی دوست سجل سمیت خالہ بشریٰ انصاری، عاصم اظہر اور یاسر حسین کا بڑا اہم کردار رہا ہے۔

مزید خبریں :