لاہور: ٹوکن ٹیکس کی عدم ادائیگی پر اداکار شان کی گاڑی کو روک لیا گیا
16 جون ، 2021
لاہور میں محکمہ ایکسائز کی ٹیم نے ٹوکن ٹیکس کی عدم ادائیگی پر اداکار شان کی گاڑی کو روک لیا۔
ترجمان محکمہ ایکسائز کے مطابق لبرٹی چوک میں ٹوکن ٹیکس نادہندگان گاڑیوں کے خلاف کارروائی کے دوران فلم اسٹار شان کی گاڑی کو بھی روک لیا گیا۔
ترجمان کا بتانا ہےکہ شان کی گاڑی ٹوکن ٹیکس کی مد میں 29 ہزار200 روپےکی نادہندہ تھی، فلم اسٹارشان نے موقع پر ہی ٹوکن ٹیکس ادا کرکے گاڑی چھڑالی۔
