عاطف بخاری نے بورڈ آف انویسٹمنٹ کے چیئرمین کے عہدے سے استعفیٰ دے دیا
19 جون ، 2021
بورڈ آف انویسٹمنٹ کے چیئرمین عاطف بخاری نے عہدے سے استعفیٰ دے دیا۔
عاطف بخاری نے استعفے میں مؤقف ا پنایا کہ ذاتی وجوہات کی بنیاد پر استعفیٰ دیا ہے۔
دوسری جانب ذرائع کا کہنا ہے کہ نئے چیئرمین کیلئے دو سابقہ چیئرمین زبیر گیلانی اور ہارون شریف کے نام زیرغور ہیں۔
ذرائع کے مطابق ہارون شریف ستمبر 2018 جبکہ زبیر گیلانی جون 2019 میں چیئرمین کے فرائض انجام دے چکے ہیں۔
خیال رہے کہ موجودہ حکومت میں اب تک بورڈ آف انویسٹمنٹ کے 3 چیئرمین تبدیل ہوچکے ہیں۔
