14 جولائی ، 2021
وفاقی دارالحکومت اسلام آباد میں کورونا کے بڑھتے کیسز پر 6 مقامات پر اسمارٹ لاک ڈاؤن لگادیا گیا۔
نوٹیفکیشن کے مطابق ضلعی انتظامیہ نے شہر کے 6 مقامات پراسمارٹ لاک ڈاؤن لگادیا ہے۔
نوٹیفکیشن میں کہا گیا ہے کہ ریورگارڈن، سیکٹرای 7، کورنگ ٹاؤن، میڈیا ٹاؤن، بحریہ فیز4 اورکشمیری محلےکی ایک ایک گلی سیل کردی گئی ہے ۔
نوٹیفکیشن کے مطابق متاثرہ مقامات پر غیر ضروری نقل و حرکت کی اجازت نہیں ہوگی۔
دوسری جانب وزارت صحت کے حکام کا کہنا ہے کہ اسلام آباد اور راولپنڈی میں کورونا کی چوتھی لہر تیزی سے سامنے آرہی ہے۔