پاکستان
Time 14 جولائی ، 2021

بجلی کا بار بار بریک ڈاؤن، دھابیجی پمپنگ اسٹیشن مفلوج ہوگیا

کراچی کو پانی فراہم کرنے والے دھابیجی پمپنگ اسٹیشن پر بجلی کے بریک ڈاؤن کے باعث تین لائنیں پھٹ گئیں جس کے باعث شہر کو 17 کروڑ گیلن یومیہ پانی کی کمی کا سامنا ہے۔

ٹھٹھہ دھابیجی پمپنگ اسٹشین کراچی کو پانی فراہم کرنے والا سسٹم بجلی بریک ڈاؤن کے باعث مفلوج ہوگیا۔ 

گزشتہ تین دنوں میں چارباربجلی کے بریک ڈاؤن کے باعث تین لائنیں پھٹ گئیں، واٹر بورڈ حکام کے مطابق کراچی کو 72 انچ قطر کی دس لائنوں سے پانی فراہم کیا جاتا ہے، اس وقت لائن نمبر ایک اور دو پر مرمتی کام جاری ہے۔

حکام کے مطابق تین روز سے بجلی کے بریک ڈاؤن کے باعث کم و بیش 50 کروڑ گیلن پانی ضائع ہوا ہے۔

چیف انجینئرانتخاب احمد کا کہنا ہے کہ پانی کی پمپنگ بند ہونے اور پھر بحالی میں تین روز لگتے ہیں، دھابیجی پمپنگ اسٹیشن پر10سے12جولائی تک 4 بڑے بریک ڈاؤن ہوئے جس کے باعث کراچی کو روزانہ کی بنیاد پر17 کروڑ گیلن پانی کی کمی کا سامنا کرنا پڑا ہے۔

مزید خبریں :