صوبوں کی وفاق سے درآمدی چینی لینے میں عدم دلچسپی

وفاقی حکومت کی جانب سے درآمدی چینی کی ڈیمانڈ پر صوبوں نے عدم دلچسپی کا اظہار کیا ہے۔

ذرائع وزارت صعنت و پیدوار کے مطابق صوبےدرآمدی چینی منگوانے میں عدم دلچسپی ظاہر کرتے ہوئے درآمدی چینی لینے پر آمادہ نہیں ہیں۔

ملک میں چینی کا ایک اور بڑا اسکینڈل سامنے آگیا

جنوری سے جولائی تک شوگر مافیا نے عوام کی جیبوں سے مزید 32 ارب روپے نکلوا لیے

ذرائع کے مطابق وزارت صنعت و پیداوار نے صوبوں سے درآمدی چینی کیلئے ڈیمانڈ مانگی تھی اور بارہا درخواست کے باوجود کسی صوبے نے کوئی جواب نہیں دیا۔

چینی کی فراہمی کو یقینی بنانے کیلئے وفاقی حکومت کا 4 لاکھ میٹرک ٹن تک چینی درآمد کرنے کا پلان ہے جبکہ اس وقت ایک لاکھ ٹن ٹینڈر کے تحت چینی کی درآمد کا عمل جاری ہے۔

اس کے علاوہ  درآمدی چینی یوٹیلٹی اسٹورز کارپوریشن کو فراہم کی جارہی ہے۔

واضح رہے کہ حکومت نے مالی سال 2021 میں 20 ارب 89 کروڑ 30 لاکھ روپے کی 2 لاکھ 81 ہزار 329 ٹن چینی درآمد کی ہے۔