فرحان اختر سوشل میڈیا پر ٹرولنگ سے پریشان

بھارتی اداکار فرحان اختر نے سوشل میڈیا ناقدین کی جانب سے فیملی کو تنقید کا نشانہ بنائے جانے پر سخت برہمی کا اظہار کیا ہے۔

بھارتی میڈیا کے مطابق اداکار انٹرنیٹ پر کی جانے والی ٹرولنگ سے سخت نالاں ہیں۔

اسی ضمن میں فرحان اختر کا اپنے ایک حالیہ انٹرویو میں کہنا تھا کہ کسی شخص کو یہ گوارا نہیں ہوگا کہ کسی بھی مسئلے کے حوالے سے اس کی فیملی پر باتیں کی جائیں۔

انہوں نے انٹرویو میں کہا کہ اگر کسی کو کوئی مسئلہ ہے تو مجھے بتائیں میرے اہلِ خانہ کو کسی معاملے میں گھسیٹنے کی کوئی ضرورت نہیں ہے۔

تاہم انہوں نے یہ واضح نہیں کیا کہ انہوں نے کِس معاملے پر ٹرولنگ کی بات کی۔ 

خیال رہے کہ فرحان اختر کو اکثر و بیشتر صارفین کی جانب سے سخت تنقید کا سامنا ہوتا ہے۔