اسلامی یونیورسٹی میں ڈیلیوری بوائےکے ساتھ زیادتی کے ملزم کی ضمانت خارج
03 اگست ، 2021
اسلام آباد ہائی کورٹ نے بین الاقوامی اسلامی یونیورسٹی میں ڈیلیوری بوائےکے ساتھ زیادتی کرنے والے ملزم کی ضمانت خارج کردی۔
جسٹس طارق محمود جہانگیری نے ملزم ابراہیم خان کی ضمانت قبل از گرفتاری خارج کردی جس پر ملزم کو ہائی کورٹ سےگرفتارکرلیا گیا۔
خیال رہےکہ گذشتہ جون میں اسلام آباد کی اسلامی یونیورسٹی میں ڈیلیوری بوائےکے ساتھ مبینہ طور پر جنسی زیادتی کا واقعہ پیش آیا تھا۔
یونیورسٹی کے ایک پروفیسر ڈاکٹرمشتاق نے ریکٹرکو خط لکھ کر واقعےکی تحقیقات کا مطالبہ کیا تھا اور کہا تھا کہ واقعہ چھپانے کے بجائے ذمہ داروں کو سزادی جائے۔
18جون کو یونیورسٹی ڈسپلن کمیٹی نے2 طلبا ابراہیم خان اورمحمود اشرف کو یونیورسٹی سے نکال دیا تھا۔
