کے پی ایل انتظامیہ کا شائقین کو اسٹیڈیم آنے کی اجازت پر غور

کشمیر پریمیئر لیگ (کے پی ایل) کے آغاز میں چند دن باقی رہ گئے ہیں اور ٹیموں کی مظفر آباد آمد شروع ہوگئی ہے۔

ذرائع کے مطابق کے پی ایل انتظامیہ دلچسپ میچز دیکھنے کیلئے شائقین کو محدود تعداد میں اسٹیڈیم آنے کی اجازت دینا چاہتی ہے اور نیشنل کمانڈ اینڈ آپریشن سینٹر برائے تدارک کرونا (این سی او سی) کی اجازت کے بعد ٹکٹوں کی فروخت بھی جلد شروع کردی جائے گی۔

ہرشل گبز کے بعد مونٹی پنیسر نے بھی بھارت کا مکروہ چہرہ بے نقاب کر دیا

انگلش بورڈ نے بتایا ہے کہ کے پی ایل کھیلنے کی صورت میں بھارتی ویزہ نہیں ملے گا: سابق ٹیسٹ کرکٹر

ذرائع کا کہنا ہے کہ مظفر آباد اسٹیدیم میں دس ہزار افراد کے بیٹھنے کی گنجائش ہے جس میں سے صرف 30 فیصد افراد کو آنے کی اجازت دی جاسکتی ہے۔

کشمیر پریمیئر لیگ کا پہلا میچ 6 اگست کو شاہد آفریدی کی راولا کوٹ اور شعیب ملک کی میر پور رائلز کے درمیان کھیلا جائے گا۔

پاکستان کا پہلا اسپورٹس چینل جیوسوپر ایونٹ کے تمام میچز براہ راست نشر کرے گا۔