Can't connect right now! retry

انٹرٹینمنٹ
04 ستمبر ، 2021

’اس میں فخر کرنے کی کوئی بات نہیں‘، شرمیلا فاروقی کا اقرا کی پوسٹ پر تبصرہ

شرمیلا فاروقی نے اقرا عزیز کی پوسٹ پر تبصرہ کیا ہے — فوٹو بشکریہ انسٹاگرام
شرمیلا فاروقی نے اقرا عزیز کی پوسٹ پر تبصرہ کیا ہے — فوٹو بشکریہ انسٹاگرام

پاکستان پیپلز  پارٹی کی رہنما اور  رکن سندھ اسمبلی شرمیلا فاروقی کا اداکارہ اقرا عزیز کی پوسٹ پر کیا گیا تبصرہ وائرل ہو گیا۔

حال ہی میں اقرا عزیز کی جانب سے سوشل میڈیا کے مقبول پلیٹ فارم انسٹاگرام پر  یاسر حسین کی بیٹے کبیر کے ہمراہ ایک تصویر شیئر کی گئی تھی، شیئر کی گئی تصویر میں یاسر کو بیٹے کے کپڑے تبدیل کرواتے ہوئے دیکھا گیا تھا۔

پوسٹ کے کیپشن میں اداکارہ نے لکھا تھا کہ یاسر کا کام پر جانے سے قبل بیٹے کے کپڑے اور پیمپر تبدیل کرنے کا سیشن۔

اقرا نے اپنی پوسٹ میں لکھا کہ یاسر نے پہلی مرتبہ کبیر کے کپڑےچینج کروائے جس پر مجھے فخر ہے، یاسر نے زچگی کے ہر لمحے میں میری بہت مدد کی، ڈائپر کی تبدیلی سے لے کر میرے آرام کے دوران کبیر کو سنبھالنے اور میرا ناشتہ بنانے تک۔

اس میں فخر یا کوئی خاص بات نہیں :شرمیلا —اسکرین گریب
اس میں فخر یا کوئی خاص بات نہیں :شرمیلا —اسکرین گریب

اداکارہ کی شیئر کی گئی پوسٹ کو مداحوں سمیت شوبز شخصیات کی جانب سے بھی خاصا سراہا جا رہا تھا تاہم اس موضوع پر  رکن سندھ اسمبلی شرمیلا فاروقی نے اداکارہ کی رائے کی مخالفت کرتے ہوئے تبصرہ کیا کہ مجھےخوشی ہے کہ آپ کے شوہر  یہ سب کر رہے ہیں لیکن اس میں فخر  کرنے والی کوئی خاص بات نہیں، میں اگر کام پر  یا بیمار  ہوں تو میرے شوہر بھی بیٹے کو نہلاتے، ڈائپر  تبدیل کرواتے،کھانا کھلاتے اور  اسکول چھوڑنے تک جاتے ہیں اور انھیں یہ سب کرنا پسند ہے۔

ماں کی طرح باپ بھی بچوں کی پرورش کے ذمہ دار ہوتے ہیں —اسکرین گریب
ماں کی طرح باپ بھی بچوں کی پرورش کے ذمہ دار ہوتے ہیں —اسکرین گریب

شرمیلا فاروقی کی جانب سے بعد ازاں انسٹا اسٹوری بھی شیئر کی گئی جس پر لکھا تھا کہ ماں کی طرح باپ بھی بچوں کی پرورش کے ذمہ دار ہوتے ہیں۔

اسکرین گریب
اسکرین گریب

ایک دوسری اسٹوری میں رکن سندھ اسمبلی نے لکھا کہ مرد بیٹے کا ڈائپر اور کپڑے تبدیل کرواتے ہوئے خاص کیوں ہو جاتا ہے، والدین کو  بچے کی ذمہ داریاں  بانٹنے کی ضرورت ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM