پرائیویٹ اسکولز ایسوسی ایشن کا طلبہ کی ویکسینیشن سے متعلق اہم فیصلہ

کراچی: پرائیویٹ اسکولز  ایسوسی ایشن کے سربراہان نے طلبہ و طالبات کی کورونا ویکسینیشن سے متعلق اہم فیصلہ کرلیا۔

پرائیویٹ اسکولز ایسوسی ایشن کے سربراہان کا ویکسینیشن مہم پر اہم اجلاس ہوا   جس میں سربراہان کی جانب سے 17 سال اور اس سے زائد عمر کے طلبہ و طالبات کی ویکسینیشن کرانےکافیصلہ کیا گیا۔

اجلاس میں کیے گئے فیصلے  میں کہا گیا ہے کہ  ویکسینیشن کے لیے طلبہ و طالبات کی عمر کا خیال رکھا جائے گا اور صرف رضا مندی ظاہر کرنے والے  والدین کے بچوں کی ہی ویکسینیشن کرائی جائے گی،  ویکسینیشن کےلیے والدین سے ان کی رضامندی کا فارم لیا جائے گا۔

پرائیویٹ اسکولز ایسوسی ایشن کے سربراہان  کے فیصلے کے مطابق، ڈاکٹرز اور پیرامیڈیکل اسٹاف کی ٹیم اسکول اور کالج میں ویکسینیشن کرے گی جبکہ ہر طالب علم کو ابتدائی میڈیکل ایگزامینیشن کےبعد ہی ویکسین دی جائے گی۔

خیال رہے کہ گزشتہ روز محکمہ تعلیم سندھ نے آج سے صوبے بھر کے اسکولوں میں ویکسینیشن مہم شروع کرنے کا اعلان کیا تھا۔

سندھ کے اسکولوں میں کل سے ویکسینیشن مہم شروع کرنے کا فیصلہ

اسکول کھلے رکھنے کیلئے ہمیں بھی نویں سے بارہویں تک طلبا کی ویکسینیشن کرنا ہوگی: وزیر تعلیم سندھ سردار شا ہ

سندھ میں نویں سے بارہویں جماعت تک کےطلبا کیلئےکورونا ویکسین لازمی قرار

محکمہ تعلیم سندھ نے نوٹیفکیشن جاری کردیا ہے جس کے مطابق تمام سرکاری اور نجی کالجز اور اسکولوں میں طلبا کی ویکسین ضروری ہوگی۔